ប្រស្នាអំពីមង្គលការ 1 ព្រះ‌យេស៊ូមានព្រះ‌បន្ទូលជាប្រស្នាទៅពួកគេម្ដងទៀតថា៖ 2 «ព្រះ‌រាជ្យ*នៃស្ថានបរម‌សុខ*ប្រៀបបាននឹងស្ដេចមួយអង្គ ដែលរៀបវិវាហ‌មង្គលការព្រះ‌រាជបុត្រ។ 3 ព្រះ‌រាជាចាត់រាជបម្រើឲ្យទៅអញ្ជើញភ្ញៀវមកជប់‌លៀង ក្នុងឱកាសមង្គលការនោះ តែគ្មាននរណាមកសោះ។ 4 ព្រះ‌អង្គចាត់រាជបម្រើផ្សេងទៀត ឲ្យទៅជម្រាបភ្ញៀវថា: “យើងបានរៀបចំភោជនា‌ហារសម្រាប់ជប់‌លៀង គឺបានសម្លាប់គោ និងសម្លាប់សត្វដែលបានបំប៉ននោះរួចរាល់អស់ហើយ សូមអញ្ជើញមកពិសាការ!”។ 5 ប៉ុន្តែ ភ្ញៀវមិនរវី‌រវល់អើពើឡើយ អ្នកខ្លះទៅចម្ការ អ្នកខ្លះទៅធ្វើជំនួញ 6 អ្នកខ្លះទៀតចាប់ពួករាជបម្រើវាយធ្វើបាប ព្រមទាំងសម្លាប់ចោលថែមទៀត។ 7 ព្រះ‌រាជាទ្រង់ព្រះ‌ពិរោធយ៉ាងខ្លាំង ក៏ចាត់ទាហានឲ្យទៅប្រហារជីវិតឃាតកទាំងនោះ ហើយដុតកម្ទេចស្រុកភូមិរបស់គេផង។ 8…

ព្រះ‌យេស៊ូមានព្រះ‌បន្ទូលឲ្យប្រយ័ត្ននឹងពុត‌ត្បុតរបស់ពួកអាចារ្យ និងពួកខាងគណៈផារីស៊ី 1 ពេលនោះ ព្រះ‌យេស៊ូមានព្រះ‌បន្ទូលទៅកាន់មហា‌ជន និងពួកសិស្ស*ថា៖ 2 «ពួកអាចារ្យ* និងពួកផារីស៊ី* មានភារ‌កិច្ចបង្រៀនគម្ពីរ‌វិន័យរបស់លោកម៉ូសេ*។ 3 អ្វីៗដែលគេបង្រៀនអ្នករាល់គ្នា ចូរស្ដាប់ ហើយយកទៅប្រតិបត្តិតាមទៅ តែកុំយកតម្រាប់តាមអំពើដែលគេប្រព្រឹត្តឡើយ ដ្បិតគេមិនប្រតិបត្តិតាមសេចក្ដីដែលគេបង្រៀននោះទេ។ 4 អ្នកទាំងនោះបានបង្កើតវិន័យយ៉ាងតឹង‌រ៉ឹង យកមកផ្ទុកលើមនុស្ស ហើយមិនជួយសម្រាលបន្ទុកនោះទេ សូម្បីតែបន្តិច‌បន្តួចក៏មិនជួយផង។ 5 គេធ្វើកិច្ចការផ្សេងៗ ដើម្បីឲ្យមនុស្ស‌ម្នាកោតសរ‌សើរ គឺគេធ្វើក្លាក់ កាន់តែធំឡើងៗ និងធ្វើខ្សែរំយោល នៅជាយអាវកាន់តែវែងទៅៗ។ 6 ពួកគេចូលចិត្តកន្លែងកិត្តិយសក្នុងពិធីជប់‌លៀង…

ព្រះ‌យេស៊ូប្រកាសអំពីការបំផ្លាញព្រះ‌វិហារ* 1 ពេលនោះ ព្រះ‌យេស៊ូកំពុងយាងចេញពីព្រះ‌វិហារ ពួកសិស្សចូលមកជិត ចង្អុលបង្ហាញវិមានផ្សេងៗក្នុងព្រះ‌វិហារ ថ្វាយព្រះ‌អង្គទត។ 2 ព្រះ‌យេស៊ូមានព្រះ‌បន្ទូលទៅគេថា៖ «ខ្ញុំសុំប្រាប់ឲ្យអ្នករាល់គ្នាដឹងច្បាស់ថា អ្វីៗដែលអ្នករាល់គ្នាឃើញនៅពេលនេះ នឹងត្រូវរលំបាក់បែកអស់លែងមានថ្មត្រួតពីលើថ្មទៀតហើយ!»។ ហេតុ‌ការណ៍នៅគ្រាចុងក្រោយ 3 កាលព្រះ‌យេស៊ូគង់នៅលើភ្នំដើមអូលីវ ពួកសិស្ស*នាំគ្នាចូលទៅគាល់ព្រះ‌អង្គដាច់ឡែកពីគេ ហើយទូលថា៖ «សូមប្រាប់ឲ្យយើងខ្ញុំដឹងផង ហេតុ‌ការណ៍ទាំងនេះនឹងកើតឡើងនៅពេលណា? តើមានអ្វីជាសម្គាល់ឲ្យយើងខ្ញុំដឹងថា ដល់ពេលព្រះ‌អង្គយាងមក និងដល់អវសានកាលនៃពិភពលោក?»។ 4 ព្រះ‌យេស៊ូមានព្រះ‌បន្ទូលតបទៅគេថា៖ «ចូរប្រុងប្រយ័ត្ន កុំបណ្ដោយនរណាមកបញ្ឆោតអ្នករាល់គ្នាឲ្យវង្វេងឡើយ 5 ដ្បិតនឹងមានមនុស្សជាច្រើន យកឈ្មោះខ្ញុំទៅប្រើ ដោយពោលថា:…

ប្រស្នាអំពីស្ត្រីក្រមុំដប់នាក់ 1 «ព្រះ‌រាជ្យនៃស្ថានបរម‌សុខ*ប្រៀបបានទៅនឹងស្ត្រីក្រមុំដប់នាក់ ដែលយកចង្កៀងចេញទៅទទួលស្វាមី។ 2 ក្នុងចំណោមពួកនាងមានប្រាំនាក់ជាស្ត្រីឥតគំនិត ប្រាំនាក់ទៀតជាស្ត្រីឈ្លាសវៃ។ 3 ស្ត្រីឥតគំនិតយកចង្កៀងទៅ តែមិនយកប្រេងទៅបង្ការជាមួយទេ។ 4 រីឯស្ត្រីឈ្លាសវៃវិញ នាងបានយកចង្កៀងទៅ មានទាំងប្រេងបង្ការផង។ 5 ដោយស្វាមីក្រមកដល់ នាងទាំងដប់នាក់ងោក‌ងុយពេក ក៏ដេកលក់ទាំងអស់គ្នាទៅ។ 6 លុះដល់ពាក់កណ្ដាលអធ្រាត្រមានគេស្រែកឡើងថា “ស្វាមីមកដល់ហើយ! ចូរនាំគ្នារត់ទៅទទួលលោក!”។ 7 ស្ត្រីក្រមុំទាំងនោះក៏ក្រោកឡើងរៀបចំអុជចង្កៀង។ 8 ស្ត្រីឥតគំនិតនិយាយទៅកាន់ស្ត្រីឈ្លាសវៃថា “សុំចែកប្រេងឲ្យយើងខ្លះផង ព្រោះចង្កៀងយើងចង់រលត់អស់ហើយ”។ 9 ស្ត្រីឈ្លាសវៃឆ្លើយទៅវិញថា…

ការឃុប‌ឃិតចាប់ព្រះ‌យេស៊ូ 1 កាលព្រះ‌យេស៊ូមានព្រះ‌បន្ទូលទាំងនេះចប់សព្វគ្រប់ហើយ ព្រះ‌អង្គមានព្រះ‌បន្ទូលទៅកាន់ពួកសិស្សថា៖ 2 «អ្នករាល់គ្នាដឹងហើយថា ពីរថ្ងៃទៀត ដល់បុណ្យចម្លង* គេនឹងចាប់បុត្រមនុស្ស*បញ្ជូនទៅឆ្កាង»។ 3 ពេលនោះ ពួកនាយកបូជា‌ចារ្យ* និងពួកព្រឹទ្ធា‌ចារ្យ*របស់ប្រជា‌ជន ជួប‌ជុំគ្នានៅក្នុងដំណាក់របស់លោកមហាបូជា‌ចារ្យ ឈ្មោះកៃផាស 4 ហើយបានសម្រេចចិត្តជាមួយគ្នា រកកល‌ល្បិចចាប់ព្រះ‌យេស៊ូយកទៅធ្វើគុត។ 5 ប៉ុន្តែ គេនិយាយគ្នាថា៖ «កុំចាប់ក្នុងពេលបុណ្យឡើយ ក្រែងកើតចលាចលក្នុងចំណោមប្រជា‌ជន»។ ស្ត្រីម្នាក់ចាក់ប្រេងលើសិរសាព្រះ‌យេស៊ូ 6 ព្រះ‌យេស៊ូគង់នៅភូមិបេថានី ក្នុងផ្ទះបុរសម្នាក់ឈ្មោះស៊ីម៉ូន ជាមនុស្សឃ្លង់។ 7 មានស្ត្រីម្នាក់ចូលមករកព្រះ‌អង្គ…

ក្រុម‌ជំនុំជាន់ខ្ពស់កាត់ទោសព្រះ‌យេស៊ូ 1 លុះព្រឹកឡើង ពួកនាយកបូជា‌ចារ្យ និងព្រឹទ្ធាចារ្យ*ទាំងអស់របស់ប្រជា‌ជនប្រជុំគ្នា ហើយសម្រេចចិត្តធ្វើគុតព្រះ‌យេស៊ូ។ 2 គេក៏ចងព្រះ‌អង្គ បញ្ជូនទៅលោកពីឡាតជាទេសា‌ភិបាល។ ប្រាក់បង់ថ្លៃឈាម 3 កាលយូដាសជាអ្នកដែលនាំគេមកចាប់ព្រះ‌យេស៊ូ ឃើញគេកាត់ទោសព្រះ‌អង្គដូច្នេះ គាត់សោក‌ស្ដាយជាខ្លាំង ក៏យកប្រាក់សាម‌សិបស្លឹងទៅប្រគល់ឲ្យពួកនាយកបូជា‌ចារ្យ* និងពួកព្រឹទ្ធា‌ចារ្យ*វិញ 4 ទាំងពោលថា៖ «ខ្ញុំបានប្រព្រឹត្តអំពើបាប ព្រោះខ្ញុំបានបញ្ជូនមនុស្សឥតទោសទៅឲ្យគេបង្ហូរឈាម»។ ពួកគេឆ្លើយថា៖ «រឿងនេះគ្មានទាក់ទងអ្វីនឹងយើងទេ ជារឿងរបស់អ្នកទេតើ!»។ 5 យូដាសបាចប្រាក់នោះនៅក្នុងព្រះ‌វិហារ* ហើយចេញទៅចងកសម្លាប់ខ្លួន។ 6 ពួកនាយកបូជា‌ចារ្យរើសប្រាក់នោះ ទាំងពោលថា៖ «យើងគ្មានច្បាប់នឹងបញ្ចូលប្រាក់នេះទៅក្នុងហិបតង្វាយឡើយ…

ព្រះ‌យេស៊ូមានព្រះ‌ជន្មរស់ឡើងវិញ 1 ក្រោយថ្ងៃសប្ប័ទ* គឺនៅព្រឹកថ្ងៃអាទិត្យ នាងម៉ារីជាអ្នកស្រុកម៉ាដា‌ឡា និងនាងម៉ារីម្នាក់ទៀតនាំគ្នាទៅមើលផ្នូរ។ 2 ពេលនោះ ស្រាប់តែផែន‌ដីរញ្ជួយយ៉ាងខ្លាំង ដ្បិតមានទេវតា*របស់ព្រះ‌អម្ចាស់ចុះពីស្ថានបរម‌សុខ*មកប្រមៀលថ្មចេញពីមាត់ផ្នូរ ហើយអង្គុយលើថ្មនោះថែមទៀតផង។ 3 ទេវតានោះមានទ្រង់‌ទ្រាយភ្លឺដូចផ្លេកបន្ទោរ និងមានសម្លៀក‌បំពាក់សដូចសំឡី។ 4 ទាហានភ័យញ័រជាខ្លាំង ភាំងស្មារតីដូចមនុស្សស្លាប់។ 5 ទេវតានិយាយទៅកាន់ស្ត្រីៗថា៖ «កុំភ័យខ្លាចអ្វី! ខ្ញុំដឹងថានាងៗមករកព្រះ‌យេស៊ូ ជាអ្នកភូមិណាសា‌រ៉ែតដែលគេបានឆ្កាង។ 6 ព្រះ‌អង្គមិននៅទីនេះទេ ព្រះ‌ជាម្ចាស់បានប្រោសព្រះ‌អង្គឲ្យមានព្រះ‌ជន្មរស់ឡើងវិញ ដូចទ្រង់មានព្រះ‌បន្ទូលរួចមកហើយ សុំមកមើលកន្លែងដែលគេដាក់ព្រះ‌សពព្រះ‌អង្គឯ‌ណេះសិន 7 ហើយសឹមអញ្ជើញទៅប្រាប់ពួកសិស្សរបស់ព្រះ‌អង្គជាប្រញាប់ ថាព្រះ‌អង្គមានព្រះ‌ជន្មរស់ឡើងវិញហើយ…

លោកយ៉ូហាន‌បាទីស្ដប្រៀន‌ប្រដៅបណ្ដា‌ជន 1 ដំណឹង‌ល្អ*អំពីព្រះ‌យេស៊ូគ្រិស្ដ* ជាព្រះ‌បុត្រារបស់ព្រះ‌ជាម្ចាស់ ចាប់ផ្ដើមដូចតទៅ: 2 ក្នុងគម្ពីរព្យាការីអេសាយមានចែងទុកមកថា៖ «យើងចាត់ទូតយើងឲ្យទៅមុនព្រះ‌អង្គ ដើម្បីរៀបចំផ្លូវថ្វាយព្រះ‌អង្គ។ 3 មានសំឡេងបុរសម្នាក់ស្រែកនៅវាលរហោ‌ស្ថាន ថា: “ចូររៀបចំផ្លូវរបស់ព្រះ‌អម្ចាស់ ចូរតម្រង់ផ្លូវថ្វាយព្រះ‌អង្គ”»។ 4 ពេលនោះ លោកយ៉ូហានមកដល់ ស្របតាមបទគម្ពីរនេះមែន ហើយធ្វើពិធីជ្រមុជទឹក*នៅវាលរហោ‌ស្ថាន។ លោកប្រកាសឲ្យមនុស្ស‌ម្នាកែប្រែចិត្តគំនិតដោយទទួលពិធីជ្រមុជទឹក ដើម្បីព្រះ‌ជាម្ចាស់លើក‌លែងទោសឲ្យរួចពីបាប។ 5 អ្នកស្រុកយូដាទាំងអស់ និងអ្នកក្រុងយេរូ‌សាឡឹមទាំងមូលនាំគ្នាចេញទៅរកលោក។ គេទទួលសារ‌ភាពអំពើបាបរបស់ខ្លួន ហើយលោកក៏ធ្វើពិធីជ្រមុជទឹកឲ្យគេក្នុងទន្លេយ័រដាន់។ 6 លោកយ៉ូហានស្លៀកសម្លៀក‌បំពាក់ធ្វើពីរោមអូដ្ឋ ពាក់ខ្សែក្រវាត់ធ្វើពីស្បែក ហើយបរិ‌ភោគកណ្ដូប…

ព្រះ‌យេស៊ូប្រោសមនុស្សខ្វិនម្នាក់ឲ្យជា 1 ប៉ុន្មានថ្ងៃក្រោយមក ព្រះ‌យេស៊ូយាងត្រឡប់មកក្រុងកាពើ‌ណិមវិញ ហើយអ្នកស្រុកឮដំណឹងថា ព្រះ‌អង្គគង់នៅក្នុងផ្ទះ។ 2 មានមនុស្សយ៉ាងច្រើនមកមូលផ្ដុំគ្នាកក‌កុញ គ្មានសល់កន្លែងណាសោះឡើយ សូម្បីតែនៅមាត់ទ្វារផ្ទះក៏គ្មានសល់ដែរ។ ព្រះ‌យេស៊ូថ្លែងព្រះ‌បន្ទូលឲ្យគេស្ដាប់។ 3 មានបុរសបួននាក់សែងមនុស្សខ្វិនដៃ ខ្វិនជើងម្នាក់មករកព្រះ‌អង្គ។ 4 ប៉ុន្តែ ដោយមានមនុស្សច្រើនពេក គេពុំអាចនាំមនុស្សខ្វិននោះទៅជិតព្រះ‌យេស៊ូបានឡើយ។ ដូច្នេះ គេក៏ចោះដំបូលផ្ទះចំពីលើកន្លែងដែលព្រះ‌អង្គគង់ ហើយសម្រូតមនុស្សខ្វិននៅលើគ្រែស្នែង ចុះតាមប្រឡោះមក។ 5 កាលព្រះ‌យេស៊ូឈ្វេងយល់ជំនឿរបស់អ្នកទាំងនោះ ព្រះ‌អង្គមានព្រះ‌បន្ទូលទៅកាន់អ្នកពិការថា៖ «កូនអើយ! ខ្ញុំអត់‌ទោសឲ្យអ្នកបានរួចពីបាបហើយ»។ 6 ពួកអាចារ្យខ្លះដែលអង្គុយនៅទីនោះ រិះគិតក្នុងចិត្តថា៖…

ព្រះ‌យេស៊ូប្រោសមនុស្សស្វិតដៃម្នាក់ឲ្យជា 1 ព្រះ‌យេស៊ូយាងចូលទៅសាលាប្រជុំ*ម្ដងទៀត នៅទីនោះ មានបុរសម្នាក់ស្វិតដៃម្ខាង។ 2 ពួកគេតាមមើលព្រះ‌យេស៊ូ ក្រែងលោព្រះ‌អង្គប្រោសបុរសនេះឲ្យជានៅថ្ងៃសប្ប័ទ* ក្នុងគោលបំណងចោទប្រកាន់ព្រះ‌អង្គ។ 3 ព្រះ‌យេស៊ូមានព្រះ‌បន្ទូលទៅកាន់បុរសស្វិតដៃនោះថា៖ «ចូរក្រោកឡើង មកឈរនៅកណ្ដាលគេឯ‌ណេះ!»។ 4 បន្ទាប់មក ព្រះ‌អង្គមានព្រះ‌បន្ទូលសួរទៅគេថា៖ «នៅថ្ងៃសប្ប័ទ តើច្បាប់អនុញ្ញាតឲ្យធ្វើអំពើល្អ ឬធ្វើអំពើអាក្រក់? តើត្រូវសង្គ្រោះមនុស្ស ឬប្រហារជីវិតចោល?»។ ពួកគេនៅស្ងៀមទាំងអស់គ្នា។ 5 ព្រះ‌យេស៊ូបែរព្រះ‌ភ័ក្ត្រទតមើលទៅអ្នកដែលនៅជុំ‌វិញ ទាំងព្រះ‌ពិរោធ ហើយព្រះ‌អង្គព្រួយព្រះ‌ហឫទ័យ ព្រោះគេមានចិត្តរឹង‌រូស។ ព្រះ‌អង្គមានព្រះ‌បន្ទូលទៅកាន់បុរសស្វិតដៃនោះថា៖ «ចូរលាតដៃមើល៍!»។ បុរសនោះលាតដៃ…