1 នេះជាព្រះ‌បន្ទូលដែលព្រះ‌អម្ចាស់ថ្លែងមកកាន់លោកហូសេជាកូនរបស់លោកបេរី នៅរជ្ជកាលព្រះ‌បាទអូសៀស ព្រះ‌បាទយ៉ូថាម ព្រះ‌បាទអេហាស និងព្រះ‌បាទហេ‌សេគាជាស្ដេចស្រុកយូដា ត្រូវនឹងរជ្ជកាលព្រះ‌បាទយេរ៉ូ‌បោម បុត្ររបស់ព្រះ‌បាទយ៉ូអាស ជាស្ដេចស្រុកអ៊ីស្រា‌អែល។ អាពាហ៍‌ពិពាហ៍របស់លោកហូសេ 2 ព្រះ‌បន្ទូលដែលព្រះ‌អម្ចាស់បានថ្លែង តាមរយៈលោកហូសេ ចាប់ផ្ដើមដូចតទៅ: ព្រះ‌អម្ចាស់មានព្រះ‌បន្ទូលមកកាន់លោកហូសេថា៖ «ចូរយកស្រីពេស្យាម្នាក់ មកធ្វើជាភរិយា ហើយបង្កើតកូនពីស្រីពេស្យានោះ ដ្បិតប្រជា‌ជននៅក្នុងស្រុកចេះតែនាំគ្នាប្រព្រឹត្តអំពើពេស្យា‌ចារ ដោយបែកចិត្តចេញពីព្រះ‌អម្ចាស់!»។ 3 លោកហូសេក៏ទៅយកនាងកូមើរ ជាកូនរបស់លោកឌីប្លែម មកធ្វើជាភរិយា នាងមានផ្ទៃពោះបង្កើតបានកូនប្រុសមួយជូនលោក។ 4 ព្រះ‌អម្ចាស់មានព្រះ‌បន្ទូលមកកាន់លោកហូសេថា៖ «ចូរដាក់ឈ្មោះកូននេះថា “យេសរាល” ដ្បិតបន្តិចទៀត…

1 ចូរហៅបង‌ប្អូនប្រុសរបស់អ្នករាល់គ្នាថា “អាំមី” ចូរហៅបង‌ប្អូនស្រីរបស់អ្នករាល់គ្នាថា “រូហា‌ម៉ា” ។ ជន‌ជាតិអ៊ីស្រា‌អែលប្រៀបបាននឹងភរិយាក្បត់ចិត្ត 2 ចូរចោទប្រកាន់ម្ដាយរបស់អ្នករាល់គ្នាទៅ ដ្បិតនាងមិនមែនជាភរិយារបស់យើងទៀតទេ ហើយយើងក៏មិនមែនជាប្ដីរបស់នាងទៀតដែរ! ចូរឲ្យនាងដកសញ្ញាសម្គាល់ស្រីពេស្យា ចេញពីមុខរបស់ខ្លួន ចូរឲ្យនាងដកសញ្ញាសម្គាល់ស្រីក្បត់ប្ដី ចេញពីដើមទ្រូងរបស់ខ្លួនទៅ! 3 បើមិនដូច្នោះទេ យើងនឹងយកសម្លៀក‌បំពាក់ចេញពីនាង ទុកឲ្យខ្លួននៅទទេ ដូចថ្ងៃដែលនាងទើបនឹងកើត យើងធ្វើឲ្យនាងប្រៀបបាននឹងវាលរហោ‌ស្ថាន។ យើងធ្វើឲ្យនាងក្លាយដូចជាដីហួត‌ហែង យើងធ្វើឲ្យនាងស្លាប់ដោយស្រេកទឹក។ 4 យើងនឹងមិនអាណិត‌អាសូរកូនរបស់នាងទេ ព្រោះកូនទាំងនេះសុទ្ធតែជាកូនដែលកើតពី អំពើពេស្យា‌ចារ។ 5 ម្ដាយរបស់ពួកគេជាស្រីពេស្យា ស្រីដែលពរផ្ទៃពួកគេ…

លោកហូសេជា‌នាជាមួយភរិយាវិញ 1 ព្រះ‌អម្ចាស់មានព្រះ‌បន្ទូលមកខ្ញុំថា៖ «ចូរទៅរួមរ័កជាមួយស្រីដែលមានគូស្នេហ៍ ជាស្រីផិតក្បត់នេះសាជាថ្មីចុះ ចូរស្រឡាញ់នាង ដូចព្រះ‌អម្ចាស់ស្រឡាញ់ជន‌ជាតិអ៊ីស្រា‌អែល ទោះបីពួកគេបែរចិត្តទៅរកព្រះដទៃ ហើយចូលចិត្តនំទំពាំង‌បាយជូរ ក៏ដោយ»។ 2 ខ្ញុំក៏លោះនាងមកវិញ ដោយបង់ប្រាក់បួនតម្លឹងកន្លះ និងស្រូវប្រាំមួយថាំង។ 3 ខ្ញុំប្រាប់នាងថា៖ «ចូរនៅជាមួយខ្ញុំឲ្យបានយូរ ចូរឈប់ធ្វើស្ត្រីពេស្យា ហើយឈប់ស្រឡាញ់បុរសផ្សេងទៀតទៅ នោះខ្ញុំនឹងប្រព្រឹត្តចំពោះនាងវិញដូច្នោះដែរ»។ 4 ក្នុងអំឡុងពេលដ៏យូរ‌លង់ ជន‌ជាតិអ៊ីស្រា‌អែលនឹងគ្មានស្ដេច គ្មានមេដឹកនាំ គ្មានយញ្ញ‌បូជា គ្មានស្តូប គ្មានឧបករណ៍ ឬគ្រឿងប្រដាប់សម្រាប់ទស្សន៍‌ទាយ និងបួង‌សួងទេ ។…

ព្រះ‌អម្ចាស់ចោទប្រកាន់ប្រជា‌រាស្ត្ររបស់ព្រះ‌អង្គ 1 ជន‌ជាតិអ៊ីស្រា‌អែលអើយ ចូរស្ដាប់ ព្រះ‌បន្ទូលរបស់ព្រះ‌អម្ចាស់! ព្រះ‌អម្ចាស់កំពុងតែប្ដឹងនឹងអ្នកស្រុកនេះ ដ្បិតនៅក្នុងស្រុកនេះ គ្មានការស្មោះត្រង់ គ្មានភក្ដី‌ភាព ហើយក៏គ្មាននរណាស្គាល់ព្រះ‌ជាម្ចាស់ដែរ។ 2 ផ្ទុយទៅវិញ មានតែការដាក់បណ្ដាសាគ្នា ការបោកប្រាស់គ្នា សម្លាប់គ្នា អំពើចោរ‌កម្ម និងការផិតក្បត់ ពួកគេប្រព្រឹត្តអំពើឃោរ‌ឃៅ និងឃាត‌កម្ម ជាបន្តបន្ទាប់គ្នា ។ 3 ហេតុនេះ ស្រុករបស់ពួកគេនឹងរាំងស្ងួត អស់អ្នកដែលរស់នៅក្នុងស្រុក ព្រមទាំង សត្វព្រៃ និងបក្សា‌បក្សី ធ្លាក់ទន់ខ្សោយ សូម្បីតែត្រីនៅក្នុងសមុទ្រក៏ត្រូវវិនាសសូន្យ…

1 បូជា‌ចារ្យអើយ ចូរស្ដាប់សេចក្ដីនេះ! ពូជ‌ពង្សអ៊ីស្រា‌អែលអើយ ចូរផ្ចង់ចិត្ត! ញាតិវង្សរបស់ស្ដេចអើយ ចូរត្រង់ត្រាប់ស្ដាប់! គឺអ្នករាល់គ្នាហើយ ដែលត្រូវរកយុត្តិធម៌ ផ្ទុយទៅវិញ អ្នករាល់គ្នាដាក់អន្ទាក់នៅមីសប៉ា អ្នករាល់គ្នាបោះសំណាញ់នៅភ្នំតាបោរ 2 អ្នករាល់គ្នាជីករណ្ដៅដ៏ជ្រៅនៅគីទីម យើងនឹងវាយប្រដៅអ្នកទាំងអស់គ្នាពុំ‌ខាន។ 3 យើងស្គាល់អេប្រាអ៊ីមយ៉ាងច្បាស់ យើងមើលអ៊ីស្រា‌អែលធ្លុះទាំងអស់។ អេប្រាអ៊ីមអើយ អ្នកបានប្រព្រឹត្តអំពើពេស្យា‌ចារ ដែលធ្វើឲ្យអ៊ីស្រា‌អែលទៅជាសៅហ្មង។ 4 អំពើដែលពួកគេប្រព្រឹត្ត រារាំងពួកគេមិនឲ្យវិលត្រឡប់មករក ព្រះរបស់ខ្លួនវិញបានឡើយ ដ្បិតពួកគេគិតតែពីប្រព្រឹត្តអំពើពេស្យា‌ចារ ពួកគេពុំស្គាល់ព្រះ‌អម្ចាស់ទេ។ 5 អំនួតរបស់អ៊ីស្រា‌អែលចោទប្រកាន់ខ្លួនឯង អ៊ីស្រា‌អែល…

ប្រជា‌ជនពិតជាវិលមករកព្រះ‌អម្ចាស់មែនឬ? 1 អ្នករាល់គ្នាពោលថា “ចូរនាំគ្នាមក! ពួកយើងវិលទៅរកព្រះ‌អម្ចាស់វិញ។ ព្រះ‌អង្គបានធ្វើឲ្យពួកយើងរបួស ព្រះ‌អង្គក៏នឹងប្រោសពួកយើងឲ្យជាវិញ ព្រះ‌អង្គបានប្រហារពួកយើង ព្រះ‌អង្គក៏នឹងរុំរបួសឲ្យពួកយើងដែរ។ 2 ពីរថ្ងៃទៀត ព្រះ‌អង្គនឹងប្រទានជីវិត មកពួកយើងវិញ។ នៅថ្ងៃទីបី ព្រះ‌អង្គនឹងលើកពួកយើងឡើងវិញ ហើយពួកយើងនឹងរស់នៅជាមួយព្រះ‌អង្គ។ 3 យើងត្រូវយកចិត្តទុកដាក់ស្គាល់ព្រះ‌អម្ចាស់ ឲ្យបានច្បាស់ ព្រះ‌អង្គប្រាកដជាយាងមកជួយពួកយើង គឺពិតដូចថ្ងៃរះ។ ព្រះ‌អង្គនឹងយាងមកប្រោសពួកយើង ដូចភ្លៀងធ្លាក់ស្រោចស្រពផែនដី តាមរដូវកាល”។ 4 «អេប្រាអ៊ីមអើយ! តើឲ្យយើងជួយអ្នកដូចម្ដេចបាន? យូដាអើយ! តើឲ្យយើងជួយអ្នកដូចម្ដេចបាន បើចិត្តភក្ដីរបស់អ្នករាល់គ្នាមកលើយើង…

1 គឺនៅពេលយើងចង់ប្រោស អ៊ីស្រា‌អែលឲ្យបានជា នោះកំហុសរបស់អេប្រាអ៊ីម និងអំពើទុច្ចរិត របស់សាម៉ារី មុខជាលេចចេញមក ដ្បិតពួកគេបោកប្រាស់គ្នាទៅវិញទៅមក ខាងក្នុងមានចោរលួច ខាងក្រៅមានចោរប្លន់។ 2 ពួកគេមិនចេះគិតថា យើងនឹកចាំពី អំពើអាក្រក់ទាំងប៉ុន្មានដែលពួកគេប្រព្រឹត្ត។ ឥឡូវនេះ អំពើបាបរបស់ពួកគេ ឡោម‌ព័ទ្ធពួកគេជុំជិតហើយ យើងមើលឃើញអំពើទាំងនោះយ៉ាងច្បាស់។ 3 ពួកគេធ្វើឲ្យស្ដេចសប្បាយចិត្ត ដោយពួកគេប្រព្រឹត្តអំពើអាក្រក់ ហើយធ្វើឲ្យមេដឹកនាំសប្បាយចិត្ត ដោយពួកគេបោកប្រាស់។ 4 ពួកគេសុទ្ធតែជាមនុស្សផិតក្បត់ ពួកគេប្រៀបដូចជាឡនំបុ័ងដ៏ក្ដៅ ដែលអ្នកដុតនំបុ័ងលែងបន្ថែមអុស ចាប់ពីពេលគាត់រៀបចំម្សៅ រហូតដល់ពេលដែលម្សៅដោរឡើង។ 5…

អ៊ីស្រា‌អែលមានទោស ព្រោះតែគោរពព្រះក្លែង‌ក្លាយ 1 ចូរផ្លុំស្នែងប្រកាសភាពអាសន្ន! ខ្មាំងសត្រូវបោះ‌ពួយដូចសត្វឥន្ទ្រី មកលើទឹកដីរបស់យើង ជាព្រះ‌អម្ចាស់ ដ្បិតប្រជា‌ជនបានរំលោភលើសម្ពន្ធ‌មេត្រី របស់យើង ពួកគេប្រព្រឹត្តបំពានលើច្បាប់របស់យើង។ 2 ពួកគេស្រែករកយើងថា “ព្រះនៃទូលបង្គំអើយ យើងខ្ញុំជាជន‌ជាតិអ៊ីស្រា‌អែល យើងខ្ញុំស្គាល់ព្រះ‌អង្គហើយ”។ 3 អ៊ីស្រា‌អែលបានបោះបង់ការល្អ ហេតុនេះបានជាសត្រូវដេញតាមពួកគេ។ 4 ពួកគេតែងតាំងស្ដេច ដោយឥតសាកសួរយើង ហើយតែងតាំងមេដឹកនាំពីក្រោយខ្នងយើង។ ពួកគេយកមាសប្រាក់របស់ខ្លួន ទៅសូនធ្វើរូបព្រះក្លែង‌ក្លាយ ដែលបណ្ដាលឲ្យខ្លួនត្រូវវិនាស។ 5 អ្នកក្រុងសាម៉ារីអើយ ចូរយករូបព្រះ‌គោរបស់អ្នកបោះចោលទៅ!។ កំហឹងរបស់យើងឆាប‌ឆេះទៅលើ អ្នកក្រុងសាម៉ារី…

ប្រជា‌ជនរបស់ព្រះ‌ជាម្ចាស់នឹងបាត់បង់អ្វីៗទាំងអស់ 1 អ៊ីស្រា‌អែលអើយ កុំត្រេក‌អរ និងសប្បាយរីក‌រាយ ដូចជាតិសាសន៍ឯទៀតៗឡើយ ដ្បិតអ្នកបានប្រព្រឹត្តអំពើពេស្យា‌ចារ ដោយបោះបង់ចោលព្រះរបស់ខ្លួន អ្នកចូលចិត្តទទួលកំរៃមិនបរិសុទ្ធ ដោយធ្វើពិធីសែន‌ព្រេននៅតាម លានបោកស្រូវ។ 2 ប៉ុន្តែ ពួកគេនឹងមិនស្គាល់រស‌ជាតិស្រូវ ដែលគេបោកបែន ឬប្រេងដែលគេគាប ហើយស្រាទំពាំង‌បាយជូរថ្មី ក៏គ្មានទៀតដែរ។ 3 ពួកគេនឹងលែងរស់នៅលើទឹកដីរបស់ព្រះ‌អម្ចាស់ អេប្រាអ៊ីមនឹងវិលទៅស្រុកអេស៊ីបវិញ ហើយពួកគេនឹងបរិភោគអាហារមិនបរិសុទ្ធ នៅស្រុកអាស្ស៊ីរី។ 4 ពួកគេនឹងលែងធ្វើពិធីច្រួច‌ស្រាថ្វាយព្រះ‌អម្ចាស់ យញ្ញ‌បូជារបស់ពួកគេមិនគាប់ព្រះ‌ហឫទ័យ របស់ព្រះ‌អង្គឡើយ។ សាច់នៃយញ្ញ‌បូជាដែលពួកគេបរិភោគ ប្រៀបដូចជាអាហារសម្រាប់អ្នកកាន់ទុក្ខ អស់អ្នកដែលបរិភោគអាហារនោះ…

ការវិនាសរបស់អាណា‌ចក្រអ៊ីស្រា‌អែល 1 ពីដើម ប្រជា‌ជនអ៊ីស្រា‌អែល ប្រៀបដូចជាចម្ការទំពាំង‌បាយជូរ ដែលដុះទ្រុប‌ទ្រុល ហើយបង្កើតផ្លែជាច្រើន។ ប៉ុន្តែ ផ្លែចម្រើនឡើងយ៉ាងណា ចំនួនអាសនៈសម្រាប់ព្រះក្លែង‌ក្លាយ ក៏កើនឡើងច្រើនយ៉ាងនោះដែរ។ ស្រុករបស់គេកាន់តែល្អយ៉ាងណា គេក៏តុប‌តែងស្តូបសម្រាប់ព្រះក្លែង‌ក្លាយ កាន់តែល្អឡើងៗយ៉ាងនោះដែរ។ 2 ដោយពួកគេមានចិត្តមិនស្មោះ ពួកគេត្រូវតែទទួលទោស គឺព្រះ‌អម្ចាស់នឹងផ្ដួលរំលំអាសនៈរបស់ពួកគេ ព្រមទាំងកម្ទេចស្តូបរបស់ពួកគេទៀតផង។ 3 ឥឡូវនេះ ពួកគេនិយាយគ្នាថា: «យើងគ្មានស្ដេចទេ ព្រោះយើងមិនបាន គោរពកោតខ្លាចព្រះ‌អម្ចាស់។ (ប៉ុន្តែ ប្រសិនបើយើងមានស្ដេច តើស្ដេចអាចជួយយើងបានឬទេ?)»។ 4 ពួកគេពោលពាក្យឥតបានការ…