ទុក្ខលំបាកលើកទីមួយរបស់លោកយ៉ូប 1 កាលពីដើម នៅស្រុកអ៊ូស មានបុរសម្នាក់ឈ្មោះយ៉ូប ជាមនុស្សទៀងត្រង់ និងសុចរិត។ លោកគោរពកោតខ្លាចព្រះ‌ជាម្ចាស់ ហើយចៀសវាងប្រព្រឹត្តអំពើអាក្រក់។ 2 លោកយ៉ូបមានកូនប្រុសប្រាំ‌ពីរនាក់ និងកូនស្រីបីនាក់។ 3 លោកមានចៀមប្រាំ‌ពីរពាន់ក្បាល អូដ្ឋបីពាន់ក្បាល គោប្រាំរយនឹម និងលាប្រាំរយក្បាល ហើយលោកក៏មានអ្នកបម្រើជាច្រើនដែរ។ លោកជាមនុស្សមានឈ្មោះល្បីជាងគេ នៅស្រុកខាងកើត។ 4 កូនប្រុសៗរបស់លោកតែងតែទៅជប់‌លៀងនៅផ្ទះរបស់ពួកគេ តាមវេនរៀងៗខ្លួន ហើយក៏អញ្ជើញបង‌ប្អូនស្រីៗទាំងបីនាក់ទៅចូលរួមដែរ។ 5 ក្រោយពេលជប់‌លៀង លោកយ៉ូបតែងតែហៅកូនៗរបស់លោក មកធ្វើពិធីជម្រះកាយឲ្យបានវិសុទ្ធ*។ លោកក្រោកពីព្រលឹម ថ្វាយតង្វាយដុតទាំងមូល…

ទុក្ខលំបាកទីពីររបស់លោកយ៉ូប 1 ថ្ងៃមួយ ពួកទេវតា*នាំគ្នាចូលមកគាល់ព្រះ‌អម្ចាស់ហើយមារសាតាំងក៏មកគាល់ព្រះ‌អង្គជាមួយពួកគេដែរ។ 2 ព្រះ‌អម្ចាស់មានព្រះ‌បន្ទូលទៅមារសាតាំងថា៖ «តើអ្នកមកពីណា?»។ សាតាំងទូលព្រះ‌អង្គថា៖ «ទូលបង្គំទើបនឹងដើរកំសាន្តជុំ‌វិញផែនដី»។ 3 ព្រះ‌អម្ចាស់មានព្រះ‌បន្ទូលទៅមារសាតាំងថា៖ «តើអ្នកសង្កេតឃើញយ៉ូប ជាអ្នកបម្រើរបស់យើងឬទេ? នៅលើផែនដីនេះ គ្មាននរណាម្នាក់ដូចយ៉ូបឡើយ គេជាមនុស្សទៀងត្រង់ និងសុចរិត គេគោរពកោតខ្លាចយើង ហើយចៀស‌វាងប្រព្រឹត្តអំពើអាក្រក់។ យ៉ូបនៅតែទៀងត្រង់ជា‌និច្ច អ្នកចង់ឲ្យយើងបំផ្លាញគេ ដោយឥតហេតុផល»។ 4 មារសាតាំងទូលព្រះ‌អម្ចាស់ថា៖ «ស្បែកសងស្បែក! មនុស្សសុខចិត្តប្រគល់អ្វីៗទាំងអស់ដែលខ្លួនមាន ដើម្បីឲ្យរួចជីវិត។ 5 សូមព្រះ‌អង្គធ្វើឲ្យរូបកាយគាត់ឈឺចាប់មើល៍ នោះគាត់មុខជាដាក់បណ្ដាសាព្រះ‌អង្គមិនខាន»។…

សំណោករបស់លោកយ៉ូបៈ រស់នៅបានប្រយោជន៍អ្វី? 1 បន្ទាប់មក ទើបលោកយ៉ូបចាប់ផ្ដើមនិយាយ ហើយដាក់បណ្ដាសាថ្ងៃកំណើតរបស់លោក ។ 2 លោកយ៉ូបមានប្រសាសន៍ថា៖ 3 «សូមឲ្យថ្ងៃដែលខ្ញុំបានកើតមកនោះ ក្លាយទៅជាថ្ងៃអព‌មង្គល! រីឯយប់ដែលគេពោលថា មានកូនប្រុសម្នាក់ចាប់ផ្ទៃហើយនោះ ជាយប់អព‌មង្គលដែរ! 4 សូមឲ្យថ្ងៃនោះប្រែទៅជាងងឹត ហើយកុំឲ្យព្រះ‌ជាម្ចាស់ ដែលគង់នៅស្ថានលើ រវី‌រវល់នឹងថ្ងៃនោះ ហើយក៏កុំឲ្យមានពន្លឺបំភ្លឺថ្ងៃនោះឡើយ! 5 សូមឲ្យភាពងងឹត និងភាពអន្ធការ គ្របបាំងថ្ងៃនោះ ហើយសូមឲ្យមានភាពអាប់‌អួរគ្របបាំង ព្រះ‌អាទិត្យ! 6 រីឯយប់នោះវិញ ក៏សូមឲ្យភាពងងឹត…

ប្រសាសន៍របស់លោកអេលី‌ផាស: អ្នកដែលត្រូវព្រះ‌ជាម្ចាស់ស្ដីប្រដៅ ពិតជាមានសុភមង្គលមិនខាន! 1 លោកអេលី‌ផាស ជាអ្នកស្រុកថេម៉ាន ពោលឡើងថា៖ 2 «ប្រសិនបើយើងជូនយោបល់តែមួយម៉ាត់ តើលោកធុញ‌ទ្រាន់នឹងស្ដាប់ឬទេ? ប៉ុន្តែ តើនរណាទ្រាំមិននិយាយកើត? 3 លោកបានទូន្មានមនុស្សជាច្រើន ហើយលោកក៏បានជួយមនុស្សជាច្រើន ឲ្យមានកម្លាំងឡើងវិញដែរ។ 4 ពាក្យដែលលោកមានប្រសាសន៍ បានធ្វើឲ្យអ្នកដែលដួលអាចងើបឡើងវិញ លោកក៏បានធ្វើឲ្យអ្នកដែលទន់ជង្គង់ អាចឈរមាំ‌មួនឡើងវិញដែរ។ 5 ឥឡូវនេះ ដល់វេនលោក លោកបែរជាបាក់ទឹកចិត្ត ពេលហេតុ‌ការណ៍នេះកើតមានដល់លោក លោកបែរជាវិល‌វល់ក្នុងចិត្តទៅវិញ។ 6 លោកគោរពកោតខ្លាចព្រះ‌ជាម្ចាស់ ហើយរស់នៅដោយទៀងត្រង់…

1 ឥឡូវនេះ សូមលោកស្រែកចុះ ក្រែងលោមាននរណាម្នាក់ ឆ្លើយតបមកលោក។ តើលោកអាចហៅទេវតាណាមួយ ឲ្យមកជួយបាន? 2 ការមួម៉ៅរមែងសម្លាប់មនុស្សល្ងី‌ល្ងើ ការក្ដៅក្រហាយក៏រមែងធ្វើឲ្យ មនុស្សចោល‌ម្សៀតបាត់បង់ជីវិតដែរ។ 3 ខ្ញុំធ្លាប់ឃើញមនុស្សល្ងី‌ល្ងើចម្រុង‌ចម្រើន ប៉ុន្តែ រំពេចនោះ ខ្ញុំក៏ដាក់បណ្ដាសា ផ្ទះរបស់គេថា: 4 សូមកុំឲ្យកូនចៅរបស់គេមានទីពឹងពាក់ ហើយកុំឲ្យមាននរណាការពារគេ នៅពេលចៅ‌ក្រមដាក់ទោស។ 5 សូមឲ្យមនុស្សអត់បាយនាំគ្នាមក ដណ្ដើមយកភោគ‌ផលរបស់គេ ទោះបីមានបន្លាជុំ‌វិញចម្ការក៏ដោយ។ សូមឲ្យមនុស្សស្រេកឃ្លាននាំគ្នាមក រឹបអូសយកទ្រព្យ‌សម្បត្តិរបស់គេ។ 6 អំពើទុច្ចរិតមិនមែនដុះចេញពីធូលីដីទេ ហើយទុក្ខវេទនាក៏មិនមែនដុះចេញពីដីដែរ។…

លោកយ៉ូបរអ៊ូ‌រទាំនឹងមិត្ត‌ភក្ដិរបស់លោក 1 លោកយ៉ូបមានប្រសាសន៍ថា៖ 2 «ប្រសិនបើគេថ្លឹងការឈឺចាប់របស់ខ្ញុំ ប្រសិនបើគេយកទុក្ខលំបាករបស់ខ្ញុំដាក់លើជញ្ជីង 3 គេនឹងឃើញវាធ្ងន់ជាងខ្សាច់ នៅតាមឆ្នេរសមុទ្រទៅទៀត។ ហេតុនេះហើយបានជាខ្ញុំនិយាយលែងរួច 4 ដ្បិតព្រួញរបស់ព្រះដ៏មានឫទ្ធា‌នុភាពបាញ់ទម្លុះខ្ញុំ ពិស‌ពុលរបស់ព្រួញទាំងនោះជ្រួត‌ជ្រាប ពេញក្នុងសព៌ាង្គ‌កាយរបស់ខ្ញុំ។ ព្រះ‌ជាម្ចាស់ធ្វើឲ្យខ្ញុំភ័យញាប់‌ញ័រ ដូចមានសត្រូវតំរៀបគ្នាជាក្បួនទ័ពវាយប្រហារខ្ញុំ។ 5 ពេលមានស្មៅខៀវខ្ចីស៊ី តើលាព្រៃដែលស្រែកឬទេ? ពេលមានចំបើងស៊ី តើគោចេះតែរោទ៍ដែរឬ? 6 តើគេអាចបរិភោគម្ហូបសាប ដោយមិនបង់អំបិលកើតឬ? តើផ្នែកសរបស់ពងមាន់មានរស‌ជាតិដែរឬ? 7 ខ្ញុំមិនចង់បរិភោគអាហារទាំងនោះទេ ព្រោះជាអាហារដែលខ្ញុំស្អប់ខ្ពើម។ 8 សូមឲ្យសំណូមពររបស់ខ្ញុំបានសម្រេច…

លោកយ៉ូបរអ៊ូ‌រទាំនឹងព្រះ‌ជាម្ចាស់ 1 ជីវិតរបស់មនុស្សនៅលើផែនដី មិនខុសពីជីវិតរបស់អ្នកដែលគេបង្ខំ ឲ្យធ្វើការជាទម្ងន់ទេ ហើយអាយុជីវិតរបស់គេ ក៏មិនខុសពី អាយុជីវិតរបស់អ្នកស៊ីឈ្នួលដែរ។ 2 ទាសករប្រាថ្នាជ្រកក្រោមម្លប់ ហើយអ្នកស៊ីឈ្នួលទន្ទឹងរង់‌ចាំប្រាក់បៀវត្សយ៉ាងណា 3 ខ្ញុំក៏ទទួលការឈឺចាប់ជាច្រើនខែ ហើយរងទុក្ខសោកជាច្រើនយប់ យ៉ាងនោះដែរ។ 4 ពេលខ្ញុំចូលដំណេក ខ្ញុំពោលថា “តើពេលណាខ្ញុំនឹងក្រោកឡើងបាន?” ប៉ុន្តែ យប់ពន្យារកាន់តែយូរ ហើយខ្ញុំចេះតែប្រះខ្លួន រហូតដល់ទៀបភ្លឺ។ 5 រូបកាយរបស់ខ្ញុំមានសុទ្ធតែដង្កូវ និងក្រមរ ស្បែករបស់ខ្ញុំប្រេះ ហើយរលួយ។ 6 អាយុជីវិតរបស់ខ្ញុំបោះ‌ពួយទៅមុខ…

ប្រសាសន៍របស់លោកប៊ីល‌ដាដ: កំហុសតែងតែនាំមកនូវទុក្ខទោស 1 លោកប៊ីល‌ដាដ ជាអ្នកស្រុកស៊ូអា មានប្រសាសន៍ថា៖ 2 «តើលោកនៅតែមានប្រសាសន៍បែបនេះ ដល់កាលណា? តើលោកបញ្ចេញពាក្យសម្ដី ដូចខ្យល់កំបុតត្បូងដល់កាលណាទៀត? 3 តើព្រះ‌ជាម្ចាស់បង្ខូចយុត្តិធម៌ឬ តើព្រះដ៏មានឫទ្ធា‌នុភាពខ្ពង់‌ខ្ពស់បំផុត បង្ខូចសេចក្ដីសុចរិតឬ? 4 ប្រសិនបើកូនប្រុសរបស់លោកប្រព្រឹត្ត អំពើបាបទាស់នឹងព្រះ‌ហឫទ័យរបស់ព្រះ‌អង្គ ព្រះ‌អង្គដាក់ទោសពួកគេ តាមកំហុសដែលខ្លួនបានប្រព្រឹត្ត។ 5 ចំណែកឯលោកវិញ បើលោកស្វែងរកព្រះ‌អង្គ បើលោកអង្វរករព្រះដ៏មានឫទ្ធា‌នុភាព ខ្ពង់‌ខ្ពស់បំផុត 6 បើលោកពិតជាត្រឹមត្រូវ និងទៀងត្រង់មែន ព្រះ‌អង្គមុខជាជួយលោក ហើយស្ដារស្ថាន‌ភាពរបស់លោក…

ចម្លើយរបស់លោកយ៉ូប: ខ្ញុំមិនអាចតទល់នឹងព្រះ‌ជាម្ចាស់បានទេ 1 លោកយ៉ូបមានប្រសាសន៍តបវិញថា៖ 2 ពិតមែនហើយ ខ្ញុំដឹងថាប្រាកដជាកើត មានដូច្នោះមែន។ មនុស្សមិនអាចតវ៉ានៅចំពោះ ព្រះ‌ភ័ក្ត្រព្រះ‌ជាម្ចាស់ថាខ្លួនសុចរិតបានឡើយ។ 3 បើគេចង់ជជែកវែក‌ញែកជាមួយព្រះ‌អង្គ ក្នុងមួយពាន់សំណួរ សូម្បីតែមួយ ក៏មនុស្សពុំអាចឆ្លើយបានផង ។ 4 ព្រះ‌អង្គប្រកបទៅដោយព្រះ‌ប្រាជ្ញា‌ញាណ និងមហិទ្ធិ‌ឫទ្ធិ អ្នកដែលប្រឆាំងនឹងព្រះ‌អង្គ មិនអាចរួចខ្លួនបានទេ។ 5 ព្រះ‌អង្គរើភ្នំទាំង‌ឡាយ មិនឲ្យវាដឹងខ្លួន ព្រះ‌អង្គរំលើងភ្នំ ដោយ‌សារព្រះ‌ពិរោធ របស់ព្រះ‌អង្គ។ 6 ព្រះ‌អង្គធ្វើឲ្យផែនដីកក្រើកនៅលើគ្រឹះរបស់វា ហើយសសររបស់វាក៏រញ្ជួយដែរ។…

ព្រះ‌ជាម្ចាស់ឲ្យខ្ញុំកើតមក ដើម្បីបំផ្លាញខ្ញុំ 1 «ខ្ញុំឆ្អែតចិត្តនឹងជីវិតណាស់! ខ្ញុំមិនអាចទប់ការត្អូញ‌ត្អែរ របស់ខ្ញុំបានទៀតទេ ខ្ញុំនឹងស្រដីចេញមក ដោយឈឺចាប់ក្នុងចិត្ត។ 2 ខ្ញុំនឹងទូលព្រះ‌ជាម្ចាស់ថា: សូមកុំដាក់ទោសទូលបង្គំឡើយ! សូមប្រាប់ឲ្យទូលបង្គំដឹងផងថា តើព្រះ‌អង្គមានមូលហេតុអ្វី ចោទប្រកាន់ទូលបង្គំ? 3 តើមានប្រយោជន៍អ្វី បានជាព្រះ‌អង្គសង្កត់‌សង្កិនទូលបង្គំ ហើយបោះបង់ចោលស្នាព្រះ‌ហស្ដរបស់ព្រះ‌អង្គ រួចបែរជាជួយជ្រោម‌ជ្រែងផែនការ របស់មនុស្សអាក្រក់ទៅវិញ? 4 តើព្រះ‌អង្គមានព្រះ‌នេត្រ ហើយទតមើល តាមរបៀបដូចមនុស្សលោកដែរឬ? 5 តើចំនួនថ្ងៃរបស់ព្រះ‌អង្គដូចចំនួនថ្ងៃ របស់មនុស្សលោក ហើយចំនួនឆ្នាំរបស់ព្រះ‌អង្គ ក៏ដូចជាចំនួនឆ្នាំ របស់មនុស្សលោកដែរឬ…