1 នៅខែទីប្រាំ‌ពីរ លោកអ៊ីស្មា‌អែល ជាកូនរបស់លោកនេថា‌នា ជាចៅរបស់លោកអេលី‌សាម៉ា ដែលជាប់ពូជស្ដេច ហើយធ្លាប់កាន់មុខតំណែងនៅក្នុងវាំង បានមកជួបលោកកេដា‌លា ជាកូនរបស់លោកអហ៊ី‌កាម នៅមីសប៉ា ដោយនាំទាហានដប់នាក់មកជាមួយផង។ ពេលកំពុងតែបរិភោគជាមួយគ្នា 2 លោកអ៊ីស្មា‌អែល ជាកូនរបស់លោកនេថា‌នា ក្រោកឡើងជាមួយទាហានរបស់គាត់ទាំងដប់នាក់ ហើយយកដាវចាក់សម្លាប់លោកកេដា‌លា ជាកូនរបស់លោកអហ៊ី‌កាម ដែលស្ដេចស្រុកបាប៊ី‌ឡូនបានតែង‌តាំងឲ្យគ្រប់‌គ្រងស្រុក។ 3 លោកអ៊ីស្មា‌អែលក៏បានសម្លាប់ជន‌ជាតិយូដាទាំងអស់ ព្រមទាំងទាហានជាតិខាល់ដេដែលនៅជាមួយលោកកេដា‌លា នៅមីសប៉ាដែរ។ 4 ពេលនោះ គ្មាននរណាដឹងអំពីការធ្វើឃាតលោកកេដា‌លាទេ។ នៅថ្ងៃបន្ទាប់ 5 មានប្រជា‌ជនប៉ែត‌សិបនាក់ធ្វើដំណើរពីភូមិស៊ី‌គែម ពីស៊ីឡូ…

លោកយេរេមាជំទាស់នឹងជន‌ជាតិយូដាដែលចង់ភៀសខ្លួនទៅស្រុកអេស៊ីប 1 ពួកមេ‌ទ័ពទាំងអស់ លោកយ៉ូហាណានជាកូនរបស់លោកការ៉ា លោកយេសា‌នាជាកូនរបស់លោកហូសា‌យ៉ា និងប្រជា‌ជនទាំងមូល ចាប់ពីអ្នកតូចរហូតដល់អ្នកធំ នាំគ្នាទៅជួបព្យាការីយេរេមា 2 ពោលថា៖ «សូមអាណិតមេត្តាយើងខ្ញុំ ហើយទូល‌អង្វរព្រះ‌អម្ចាស់ជាព្រះរបស់លោក សូមព្រះ‌អង្គប្រណីសន្ដោសដល់យើងខ្ញុំ ដែលនៅសេស‌សល់ផង! ពីមុន យើងមានគ្នាច្រើន តែឥឡូវនេះ យើងនៅសល់តែបន្តិច‌បន្តួច ដូចលោកឃើញស្រាប់ហើយ។ 3 សូមព្រះ‌អម្ចាស់ជាព្រះរបស់លោក បង្ហាញឲ្យយើងខ្ញុំស្គាល់ផ្លូវដែលយើងខ្ញុំត្រូវដើរ និងអំពើដែលយើងខ្ញុំត្រូវប្រព្រឹត្ត»។ 4 ព្យាការីយេរេមាតបទៅពួកគេវិញថា៖ «ខ្ញុំយល់ព្រមហើយ ខ្ញុំនឹងទូល‌អង្វរព្រះ‌អម្ចាស់ជាព្រះរបស់អ្នករាល់គ្នា តាមសំណូមពររបស់អ្នករាល់គ្នា រួចហើយ ខ្ញុំនឹងប្រាប់ឲ្យអ្នករាល់គ្នាដឹង…

លោកយេរេមាត្រូវគេនាំទៅស្រុកអេស៊ីប 1 កាលលោកយេរេមាថ្លែងប្រាប់ប្រជា‌ជនទាំងមូលនូវព្រះ‌បន្ទូលទាំងប៉ុន្មានរបស់ព្រះ‌អម្ចាស់ជាព្រះរបស់ពួកគេ គឺព្រះ‌បន្ទូលដែលព្រះ‌អង្គប្រគល់ឲ្យលោកនាំមកប្រាប់ពួកគេ ចប់សព្វគ្រប់ហើយ 2 លោកអសា‌រាជាកូនរបស់លោកហូសា‌យ៉ា លោកយ៉ូហាណានជាកូនរបស់លោកការ៉ា និងអស់អ្នកដែលវាយ‌ឫកខ្ពស់ ពោលមកកាន់លោកយេរេមាថា៖ «លោកនិយាយកុហក!ព្រះ‌អម្ចាស់ជាព្រះរបស់យើង ពុំបានចាត់លោកឲ្យមកហាមពួកយើងទៅរស់នៅស្រុកអេស៊ីបឡើយ 3 គឺបារូក ជាកូនរបស់លោកនេរី‌យ៉ាទេតើ ដែលអុច‌អាលលោកឲ្យប្រឆាំងនឹងពួកយើង ដើម្បីប្រគល់ពួកយើងទៅក្នុងកណ្ដាប់ដៃរបស់ពួកខាល់ដេ ហើយពួកនោះនឹងសម្លាប់ ឬចាប់ពួកយើងទៅជាឈ្លើយនៅបាប៊ី‌ឡូន»។ 4 លោកយ៉ូហាណានជាកូនរបស់លោកការ៉ា ពួកមេ‌ទ័ព និងប្រជា‌ជនទាំងអស់ មិនព្រមស្ដាប់ព្រះ‌បន្ទូលដែលព្រះ‌អម្ចាស់បង្គាប់ឲ្យពួកគេរស់នៅក្នុងស្រុកយូដាឡើយ។ 5 លោកយ៉ូហាណានជាកូនរបស់លោកការ៉ា និងពួកមេ‌ទ័ព នាំប្រជា‌ជនយូដាទាំងអស់ដែលនៅសេស‌សល់ គឺប្រជា‌ជនដែលពីមុនភៀសខ្លួនទៅនៅក្នុងចំណោមប្រជា‌ជាតិជិតខាងទាំងប៉ុន្មាន ហើយវិលមករស់នៅក្នុងស្រុកយូដាវិញ…

ព្រះ‌បន្ទូលស្ដីបន្ទោសជន‌ជាតិយូដាដែលភៀសខ្លួនទៅស្រុកអេស៊ីប 1 ព្រះ‌អម្ចាស់មានព្រះ‌បន្ទូលមកកាន់លោកយេរេមា ស្ដីអំពីជន‌ជាតិយូដាទាំងអស់ដែលតាំងទីលំ‌នៅក្នុងស្រុកអេស៊ីប គឺអ្នកនៅក្រុងមីគដូល ក្រុងថាផ្នេស ក្រុងណូប និងនៅស្រុកប៉ាត្រូស ដូចតទៅ: 2 ព្រះ‌អម្ចាស់នៃពិភពទាំងមូល ជាព្រះរបស់ជន‌ជាតិអ៊ីស្រា‌អែល មានព្រះ‌បន្ទូលថា៖ «អ្នករាល់គ្នាឃើញគ្រោះកាចទាំងប៉ុន្មាន ដែលយើងបានធ្វើឲ្យកើតមាននៅក្រុងយេរូ‌សាឡឹម និងនៅក្រុងនានាក្នុងស្រុកយូដា។ សព្វថ្ងៃ ក្រុងទាំងនោះនៅសល់តែគំនរបាក់បែក គ្មានប្រជា‌ជនរស់នៅទេ។ 3 ហេតុ‌ការណ៍ទាំងនេះកើតមានមកពីប្រជា‌ជនប្រព្រឹត្តអំពើបាប ដោយដុតគ្រឿងក្រអូប គោរពបម្រើព្រះដទៃ ជាព្រះដែលពួកគេផ្ទាល់ និងដូនតារបស់ពួកគេពុំធ្លាប់ស្គាល់ ជាហេតុនាំឲ្យយើងខឹងនឹងពួកគេ។ 4 យើងបានចាត់អ្នកបម្រើទាំងប៉ុន្មានរបស់យើង គឺពួកព្យាការី ឲ្យមករកអ្នករាល់គ្នាជារៀងរហូតមក…

លោកយេរេមាសម្រាលទុក្ខលោកបារូក 1 នៅឆ្នាំទីបួននៃរជ្ជកាលព្រះ‌បាទយេហូ‌យ៉ាគីម បុត្ររបស់ព្រះ‌បាទយ៉ូសៀស ជាស្ដេចស្រុកយូដា លោកបារូក ជាកូនរបស់លោកនេរី‌យ៉ា សរសេរព្រះ‌បន្ទូលទាំងនេះតាមលោកយេរេមាថ្លែងប្រាប់ ទុកក្នុងក្រាំងមួយ។ ពេលនោះ លោកយេរេមាមានប្រសាសន៍មកកាន់លោកបារូកថា៖ 2 «បារូកអើយព្រះ‌អម្ចាស់ជាព្រះនៃជន‌ជាតិអ៊ីស្រា‌អែល មានព្រះ‌បន្ទូលអំពីអ្នកដូចតទៅ: 3 អ្នកពោលថា “ខ្ញុំត្រូវវេទនាហើយ! ដ្បិតព្រះ‌អម្ចាស់ធ្វើឲ្យខ្ញុំមានទុក្ខកង្វល់ ថែមពីលើការឈឺចាប់ដែលខ្ញុំកំពុងតែមានស្រាប់ ខ្ញុំថ្ងូររហូតដល់អស់កម្លាំង ខ្ញុំមានទុក្ខឥតស្បើយ”។ 4 ព្រះ‌អង្គឲ្យខ្ញុំប្រាប់អ្នកថា “យើងនឹងកម្ទេចចោលនូវអ្វីៗដែលយើងបានសង់ យើងនឹងដកចោលនូវអ្វីៗដែលយើងបានដាំ។ យើងធ្វើដូច្នេះនៅលើផែនដីទាំងមូល។ 5 រីឯអ្នក តើអ្នកប្រាថ្នាចង់បានភាពឧត្តុង្គ‌ឧត្ដមឬ? កុំមានបំណងដូច្នេះទៀតឡើយ!…

ព្រះ‌បន្ទូលស្ដីអំពីស្រុកអេស៊ីប 1 នេះជាព្រះ‌បន្ទូលដែលព្រះ‌អម្ចាស់ថ្លែងមកកាន់លោកយេរេមា ស្ដីអំពីប្រជា‌ជាតិទាំង‌ឡាយ។ 2 នៅឆ្នាំទីបួននៃរជ្ជកាលព្រះ‌បាទយេហូ‌យ៉ាគីម ជាបុត្ររបស់ព្រះ‌បាទយ៉ូសៀស ស្ដេចស្រុកយូដា ព្រះ‌ចៅផារ៉ោន‌នេកោ ជាស្ដេចស្រុកអេស៊ីប ស្ថិតនៅក្រុងកើកេ‌មីសជិតទន្លេអឺប្រាត ហើយច្បាំងចាញ់ព្រះ‌ចៅនេប៊ូ‌ក្នេសា ជាស្ដេចស្រុកបាប៊ី‌ឡូន។ ព្រះ‌អម្ចាស់មានព្រះ‌បន្ទូលស្ដីអំពីស្រុកអេស៊ីប និងកង‌ទ័ពរបស់ព្រះ‌ចៅផារ៉ោន‌នេកោដូចតទៅ៖ 3 «ពួកមេ‌ទ័ពអេស៊ីបស្រែកឡើងថា: ចូរតំរៀបគ្នាជាក្បួនទ័ពតូច ឬធំ ចូររៀបចំខ្លួនចូលច្បាំង! 4 ទ័ពសេះត្រូវចងបង្ហៀរសេះ ហើយឡើងជិះទៅ! ចូរតំរៀបគ្នាជាជួរ ពាក់មួកដែក សំលៀងមុខលំពែង ហើយពាក់អាវ‌ក្រោះទៅ! 5 ប៉ុន្តែ ហេតុអ្វីបានជាយើងឃើញពួកគេ…

ព្រះ‌បន្ទូលស្ដីអំពីជន‌ជាតិភីលីស្ទីន 1 នេះជាព្រះ‌បន្ទូលរបស់ព្រះ‌អម្ចាស់មកកាន់លោកយេរេមា ស្ដីអំពីជន‌ជាតិភីលីស្ទីន មុនពេលព្រះ‌ចៅផារ៉ោនមកវាយក្រុងកាសា។ 2 ព្រះ‌អម្ចាស់មានព្រះ‌បន្ទូលថា៖ «មានទឹកជន់ឡើងនៅទិសខាងជើង ហើយក្លាយទៅជាទន្លេហូរយ៉ាងខ្លាំង លិចស្រុក និងអ្វីៗដែលនៅក្នុងស្រុក លិចក្រុងនានា និងប្រជា‌ជននៅក្នុងក្រុង។ មនុស្ស‌ម្នានាំគ្នាស្រែក អ្នកស្រុកទាំងមូលបន្លឺសំឡេងយ៉ាងរន្ធត់ 3 ព្រោះឮស្នូរសន្ធឹកជើងសេះ និងសន្ធឹកកង់រទេះចំបាំងលាន់ឮយ៉ាងទ្រហឹង អឹង‌អាប់ដូចផ្គរ‌លាន់។ ដោយអស់កម្លាំងពេក ឪពុកលែងងាកមើល មកកូនរបស់ខ្លួនទៀត។ 4 ថ្ងៃដែលស្រុកភីលីស្ទីនត្រូវហិន‌ហោច បានមកដល់ហើយ! ថ្ងៃនោះ អ្នកក្រុងទីរ៉ុស និងអ្នកក្រុងស៊ីដូន លែងមាននរណាអាចជួយទៀតឡើយ ដ្បិតព្រះ‌អម្ចាស់កម្ទេចស្រុកភីលីស្ទីន…

ព្រះ‌បន្ទូលស្ដីអំពីជន‌ជាតិម៉ូអាប់ 1 នេះជាព្រះ‌បន្ទូលស្ដីអំពីជន‌ជាតិម៉ូអាប់។ ព្រះ‌អម្ចាស់នៃពិភពទាំងមូល ជាព្រះរបស់ ជន‌ជាតិអ៊ីស្រា‌អែល មានព្រះ‌បន្ទូលថា៖ «អ្នកដែលរស់នៅលើភ្នំនេបូ ត្រូវវេទនា ដ្បិតភ្នំនេះវិនាសហិន‌ហោចហើយ! ក្រុងគារយ៉ា‌ថែមត្រូវអាម៉ាស់ ព្រោះត្រូវខ្មាំងវាយយកបាន បន្ទាយរបស់គេក៏ត្រូវអាម៉ាស់ និងរលំដែរ។ 2 ស្រុកម៉ូអាប់បាត់បង់កេរ្តិ៍ឈ្មោះ នៅក្រុងហេស‌បូន ខ្មាំងសត្រូវគិត‌គូរគ្នាថា “ទៅ! យើងនាំគ្នាលុបក្រុងនេះឲ្យបាត់ពី ចំណោមប្រជា‌ជាតិទាំង‌ឡាយ!” រីឯក្រុងម៉ាដ‌ម៉េនក៏ដូច្នោះដែរ អ្នកនឹងត្រូវកម្ទេចឲ្យទៅជាទីស្ងាត់ជ្រងំ ហើយដាវតាមប្រហារអ្នកពីក្រោយ។ 3 មានសម្រែកលាន់ឮឡើងពីក្រុងហូរ៉ូ‌ណែម ដែលត្រូវគេកម្ទេច និងបំផ្លាញទាំងស្រុង។ 4 ស្រុកម៉ូអាប់បែកហើយ…

ព្រះ‌បន្ទូលស្ដីអំពីជន‌ជាតិអាំម៉ូន 1 នេះជាព្រះ‌បន្ទូលស្ដីអំពីជន‌ជាតិអាំម៉ូន។ ព្រះ‌អម្ចាស់មានព្រះ‌បន្ទូលថា៖ «តើអ៊ីស្រា‌អែលគ្មានកូនតពូជទេឬ? ហេតុអ្វីបានជាព្រះម៉ូឡុកមកកាន់កាប់ទឹកដី កាដដូច្នេះ? ហេតុអ្វីបានប្រជា‌ជនរបស់ព្រះម៉ូឡុក មករស់នៅក្នុងក្រុងនានានៃស្រុកកាដ? 2 ហេតុនេះ នៅគ្រាខាងមុខ យើងនឹងឲ្យសង្គ្រាមកើតមានដល់ ជន‌ជាតិអាំម៉ូននៅក្រុងរ៉ាបាត់ – នេះជាព្រះ‌បន្ទូលរបស់ព្រះ‌អម្ចាស់។ ក្រុងនោះនឹងក្លាយទៅជាទីស្មសាន ហើយក្រុងទាំង‌ឡាយដែលនៅជុំ‌វិញនឹងត្រូវ វិនាសដោយភ្លើង។ ពេលនោះ អ៊ីស្រា‌អែលនឹងយកទឹកដីដែល ជន‌ជាតិអាំម៉ូនដណ្ដើមទៅនោះបានមកវិញ – នេះជាព្រះ‌បន្ទូលរបស់ព្រះ‌អម្ចាស់។ 3 អ្នកក្រុងហេស‌បូនអើយ ចូរស្រែកយ៉ាងខ្លាំងទៅ ដ្បិតក្រុងអៃវិនាសសូន្យហើយ! អ្នកក្រុងទាំង‌ឡាយដែលនៅជុំ‌វិញរ៉ាបាតអើយ ចូរស្រែកទ្រហោយំ…

ចក្រភពបាប៊ី‌ឡូនត្រូវរលំ ព្រះ‌ជាម្ចាស់រំដោះអ៊ីស្រា‌អែល 1 នេះជាព្រះ‌បន្ទូលដែលព្រះ‌អម្ចាស់ប្រកាស តាមរយៈព្យាការីយេរេមា ស្ដីអំពីបាប៊ី‌ឡូន និងស្រុកខាល់ដេ។ 2 «ចូរប្រកាសប្រាប់ប្រជា‌ជាតិនានា ចូរប្រាប់ឲ្យពួកគេដឹង ចូរលើកទង់សញ្ញាឡើង! ចូរប្រាប់ឲ្យពួកគេដឹង កុំលាក់ឲ្យសោះ! ចូរប្រកាសថា: សត្រូវវាយយកបានក្រុងបាប៊ី‌ឡូនហើយ! ព្រះបាលត្រូវអាម៉ាស់ ព្រះម៉ារ៉ូ‌ឌូកត្រូវរលំ រូបបដិមារបស់ពួកគេត្រូវអាម៉ាស់ ព្រះក្លែង‌ក្លាយរបស់ពួកគេក៏ត្រូវរលំដែរ!។ 3 ប្រជា‌ជាតិមួយនៅទិសខាងជើង លើកទ័ពមកវាយក្រុងបាប៊ី‌ឡូន ធ្វើឲ្យស្រុកនេះក្លាយទៅជាទីស្មសាន គ្មាននរណារស់នៅទៀតទេ គឺទាំងមនុស្ស ទាំងសត្វ រត់ចេញពីទីនោះ អស់គ្មានសល់។ 4 នៅគ្រានោះ…