ពាក្យអរព្រះ‌គុណចំពោះជ័យ‌ជំនះ ទំនុកពីសៀវភៅរបស់គ្រូចម្រៀង។ ទំនុករបស់ស្ដេចដាវីឌ។ 1 ព្រះ‌អម្ចាស់អើយ ព្រះ‌រាជាមានអំណរណាស់ ព្រោះព្រះ‌អង្គប្រទានកម្លាំង ព្រះ‌រាជាមានអំណររីក‌រាយជាខ្លាំង ព្រោះព្រះ‌អង្គប្រទានឲ្យមានជ័យ‌ជំនះ។ 2 ព្រះ‌អង្គប្រទានឲ្យព្រះ‌រាជា បានទទួលអ្វីៗដែលទ្រង់ប្រាថ្នាចង់បាន គឺព្រះ‌អង្គពុំបានបដិសេធពាក្យទូល‌អង្វរ របស់ព្រះ‌រាជាឡើយ។ – សម្រាក 3 ព្រះ‌អង្គបានយាងមកជួបព្រះ‌រាជា ទាំងនាំយកព្រះ‌ពរដ៏ប្រសើរមកជាមួយផង ព្រះ‌អង្គបានយកមកុដមាសសុទ្ធ មកបំពាក់ព្រះ‌សិរសារបស់ព្រះ‌រាជា។ 4 ពេលព្រះ‌រាជាទូលសូមជីវិត ព្រះ‌អង្គប្រទានឲ្យស្ដេចមានជីវិត និងមានជន្មាយុយឺន‌យូរជាអង្វែងតរៀងទៅ។ 5 ដោយព្រះ‌អង្គសង្គ្រោះ ព្រះ‌រាជាបានទទួលសិរី‌រុងរឿងយ៉ាងខ្លាំង ព្រះ‌អង្គប្រទានឲ្យទ្រង់បានថ្កុំ‌ថ្កើង ឧត្ដុង្គ‌ឧត្ដម។…

សម្រែកទូល‌អង្វរ និងពាក្យអរព្រះ‌គុណ ទំនុកពីសៀវភៅរបស់គ្រូចម្រៀង។ បទ «ក្ដាន់ញីនៅពេលថ្ងៃរះ»។ ទំនុករបស់ស្ដេចដាវីឌ។ 1 ឱព្រះនៃទូលបង្គំ ឱព្រះនៃទូលបង្គំអើយ! ហេតុអ្វីបានជាព្រះ‌អង្គបោះ‌បង់ចោល ទូលបង្គំដូច្នេះ? ទូលបង្គំបានស្រែកអង្វរ តែពុំឃើញព្រះ‌អង្គសង្គ្រោះទូលបង្គំសោះ ។ 2 ឱព្រះនៃទូលបង្គំអើយ! ទូលបង្គំស្រែកហៅរកព្រះ‌អង្គនៅពេលថ្ងៃ តែព្រះ‌អង្គមិនឆ្លើយតបទេ នៅពេលយប់ក៏ទូលបង្គំស្រែកដែរ តែមិនបានធូរស្បើយឡើយ។ 3 ប៉ុន្តែ ព្រះ‌អង្គជាព្រះដ៏‌វិសុទ្ធដែលគង់នៅលើបល្ល័ង្ក ហើយជន‌ជាតិអ៊ីស្រា‌អែលតែងនាំគ្នា សរសើរតម្កើងព្រះ‌អង្គ។ 4 បុព្វបុរសរបស់យើងខ្ញុំតែងតែផ្ញើជីវិតលើព្រះ‌អង្គ ពួកលោកផ្ញើជីវិតលើព្រះ‌អង្គជា‌និច្ច ហើយព្រះ‌អង្គក៏បានរំដោះពួកលោក។ 5…

ព្រះ‌អម្ចាស់ជាគង្វាលខ្ញុំ ទំនុក‌តម្កើងរបស់ស្ដេចដាវីឌ។ 1 ព្រះ‌អម្ចាស់ជាគង្វាលខ្ញុំ ខ្ញុំនឹងមិនខ្វះអ្វីសោះឡើយ។ 2 ព្រះ‌អង្គឲ្យខ្ញុំសម្រាកនៅតាមវាលស្មៅខៀវខ្ចី ព្រះ‌អង្គនាំខ្ញុំឆ្ពោះទៅកន្លែងស្ងាត់ នៅក្បែរមាត់ទឹក ។ 3 ព្រះ‌អង្គប្រទានឲ្យខ្ញុំមានកម្លាំងឡើងវិញ ព្រះ‌អង្គនាំខ្ញុំដើរក្នុងផ្លូវដ៏សុចរិត ដោយយល់ដល់ព្រះ‌កិត្តិនាមរបស់ព្រះ‌អង្គ។ 4 ទោះបីទូលបង្គំដើរកាត់ជ្រលងភ្នំ នៃសេចក្ដីស្លាប់ ក៏ដោយ ក៏ទូលបង្គំមិនខ្លាចអ្វីសោះឡើយ ដ្បិតព្រះ‌អង្គគង់នៅជាមួយទូលបង្គំ ព្រះ‌អង្គការពារ និងរក្សាទូលបង្គំជា‌និច្ច ។ 5 ព្រះ‌អង្គរៀបចំពិធីជប់‌លៀងឲ្យទូលបង្គំ នៅមុខបច្ចា‌មិត្តរបស់ទូលបង្គំ ព្រះ‌អង្គបានចាក់ប្រេងលើទូលបង្គំ ដើម្បីលើកកិត្តិយសទូលបង្គំ ហើយព្រះ‌អង្គបានបំពេញពែង ទូលបង្គំយ៉ាងហូរ‌ហៀរ។…

ព្រះ‌មហា‌ក្សត្រដ៏ឧត្ដម ទំនុក‌តម្កើងរបស់ស្ដេចដាវីឌ។ 1 ផែនដី និងអ្វីៗសព្វសារ‌ពើនៅលើផែនដីសុទ្ធតែជាកម្មសិទ្ធិរបស់ព្រះ‌អម្ចាស់ ពិភពលោក និងអ្វីៗទាំងអស់ដែលរស់នៅក្នុង ពិភពលោក ក៏ជាកម្មសិទ្ធិរបស់ព្រះ‌អង្គដែរ! 2 គឺព្រះ‌អង្គហើយដែលបានចាក់គ្រឹះផែនដី ពីលើសមុទ្រ ហើយធ្វើឲ្យវាស្ថិតនៅយ៉ាងរឹង‌ប៉ឹង ពីលើទន្លេនានា។ 3 តើនរណាអាចឡើងទៅលើភ្នំ របស់ព្រះ‌អម្ចាស់បាន? តើនរណាអាចឈរនៅក្នុងព្រះ‌វិហារ ដ៏‌វិសុទ្ធរបស់ព្រះ‌អង្គបាន? 4 មានតែអ្នកប្រព្រឹត្តអំពើត្រឹមត្រូវ និងមានចិត្តបរិសុទ្ធប៉ុណ្ណោះ ទើបឡើងទៅបាន គឺអ្នកដែលមិនបណ្ដោយខ្លួនទៅថ្វាយ‌បង្គំ ព្រះក្លែង‌ក្លាយ និងនិយាយស្បថ‌ស្បែបំពាន។ 5 ព្រះ‌អម្ចាស់នឹងប្រទានពរដល់គេ ហើយព្រះ‌ជាម្ចាស់ជាព្រះ‌សង្គ្រោះ នឹងប្រោសគេឲ្យបានសុចរិតដែរ។…

សូមណែ‌នាំទូលបង្គំឲ្យស្គាល់មាគ៌ារបស់ព្រះ‌អង្គ ទំនុករបស់ស្ដេចដាវីឌ។ 1 ឱព្រះ‌អម្ចាស់អើយ ទូលបង្គំផ្ចង់ចិត្តគំនិតទៅរកព្រះ‌អង្គ។ 2 ឱព្រះនៃទូលបង្គំអើយ ទូលបង្គំផ្ញើជីវិតលើព្រះ‌អង្គហើយ ដូច្នេះ សូមកុំឲ្យទូលបង្គំត្រូវអាម៉ាស់មុខ! សូមកុំឲ្យខ្មាំងសត្រូវអាចមានជ័យ‌ជំនះ លើទូលបង្គំឡើយ!។ 3 អស់អ្នកដែលសង្ឃឹមលើព្រះ‌អង្គ នឹងមិនត្រូវខកចិត្តទេ គឺមានតែពួកអ្នកឆាប់ក្បត់ព្រះ‌អង្គប៉ុណ្ណោះ ដែលត្រូវខកចិត្ត។ 4 ឱព្រះ‌អម្ចាស់អើយ! សូមណែ‌នាំទូលបង្គំ ឲ្យស្គាល់មាគ៌ារបស់ព្រះ‌អង្គ សូមបង្រៀនទូលបង្គំអំពីផ្លូវរបស់ព្រះ‌អង្គផង 5 សូមអប់រំទូលបង្គំឲ្យរស់នៅ ស្របតាមសេចក្ដីពិតរបស់ព្រះ‌អង្គ ដ្បិតព្រះ‌អង្គជាព្រះ‌សង្គ្រោះទូលបង្គំ ទូលបង្គំសង្ឃឹមលើព្រះ‌អង្គជារៀងរាល់ថ្ងៃ។ 6 ឱព្រះ‌អម្ចាស់អើយ! សូមកុំភ្លេចថា…

ពាក្យទូល‌អង្វររបស់មនុស្សសុចរិត ទំនុករបស់ស្ដេចដាវីឌ។ 1 ឱព្រះ‌អម្ចាស់អើយ សូមរកយុត្តិធម៌ឲ្យទូលបង្គំផង ដ្បិតទូលបង្គំបានប្រព្រឹត្តយ៉ាងត្រឹមត្រូវ! ទូលបង្គំទុកចិត្តលើព្រះ‌អម្ចាស់ ដោយឥតសង្ស័យឡើយ។ 2 ឱព្រះ‌អម្ចាស់អើយ សូមស្ទង់ និងល្បងមើលចិត្តទូលបង្គំ សូមពិនិត្យមើលជម្រៅចិត្តគំនិតទូលបង្គំចុះ។ 3 ទូលបង្គំនឹកគិតពីព្រះ‌ហឫទ័យមេត្តា ករុណារបស់ព្រះ‌អង្គជា‌និច្ច ហើយទូលបង្គំប្រព្រឹត្តតាម សេចក្ដីពិតរបស់ព្រះ‌អង្គ។ 4 ទូលបង្គំមិនអង្គុយរួមជាមួយមនុស្សខិល‌ខូចឡើយ ទូលបង្គំក៏មិនសេព‌គប់ជាមួយ មនុស្សមានពុត‌ត្បុតដែរ។ 5 ទូលបង្គំមិនចូលចិត្តនៅរួមជាមួយ ពួកអ្នកដែលប្រព្រឹត្តអំពើអាក្រក់ ហើយទូលបង្គំមិនអង្គុយរួមជាមួយ មនុស្សពាលទេ។ 6 ឱព្រះ‌អម្ចាស់អើយ ទូលបង្គំលាងដៃទុកជា…

ព្រះ‌អម្ចាស់ជាពន្លឺ និងជាព្រះ‌សង្គ្រោះរបស់ខ្ញុំ ទំនុករបស់ស្ដេចដាវីឌ។ 1 ព្រះ‌អម្ចាស់ជាពន្លឺ និងជាព្រះ‌សង្គ្រោះខ្ញុំ ខ្ញុំមិនភ័យខ្លាចនរណាឡើយ! ព្រះ‌អម្ចាស់ជាទីជម្រករបស់ជីវិតខ្ញុំ ខ្ញុំក៏មិនតក់‌ស្លុតចំពោះនរណាដែរ។ 2 ពេលពួកអ្នកប្រព្រឹត្តអាក្រក់ គឺបច្ចា‌មិត្ត និងខ្មាំងសត្រូវរបស់ខ្ញុំ នាំគ្នាចូលមកជិត ដើម្បីរកប្រហារជីវិតខ្ញុំ អ្នកទាំងនោះបែរជាត្រូវជំពប់ដួលទៅវិញ។ 3 ប្រសិនបើមានកង‌ទ័ពមកឡោម‌ព័ទ្ធខ្ញុំ ក៏ចិត្តខ្ញុំមិនភ័យខ្លាចអ្វីដែរ ប្រសិនបើមានគេលើកគ្នាមកច្បាំងនឹងខ្ញុំ ក៏ខ្ញុំនៅតែសង្ឃឹមទុកចិត្តលើព្រះ‌ជាម្ចាស់ជា‌និច្ច។ 4 ខ្ញុំទូលសូមព្រះ‌អម្ចាស់នូវសេចក្ដីតែមួយគត់ ហើយខ្ញុំប្រាថ្នាចង់បានតែសេចក្ដីនេះឯង គឺឲ្យបានស្នាក់នៅក្នុងព្រះ‌ដំណាក់ របស់ព្រះ‌អម្ចាស់អស់មួយជីវិត ដើម្បីកោតស្ញប់‌ស្ញែងភាពថ្កុំ‌ថ្កើងរុងរឿង របស់ព្រះ‌អម្ចាស់ និងថ្វាយ‌បង្គំព្រះ‌អង្គនៅក្នុងព្រះ‌វិហារ 5…

ពាក្យអធិស្ឋាននៅពេលមានជំងឺ ទំនុករបស់ស្ដេចដាវីឌ។ 1 ឱព្រះ‌អម្ចាស់អើយ! ទូលបង្គំស្រែកអង្វររកព្រះ‌អង្គ ឱព្រះជាថ្ម‌ដានៃទូលបង្គំអើយ សូមព្រះ‌សណ្ដាប់សម្រែករបស់ទូលបង្គំផង! ប្រសិនបើព្រះ‌អង្គនៅស្ងៀម មិនឆ្លើយនឹងទូលបង្គំទេនោះ ទូលបង្គំមុខជាធ្លាក់ទៅក្នុងរណ្ដៅមិនខាន! 2 ពេលទូលបង្គំស្រែករកព្រះ‌អង្គ ពេលទូលបង្គំលើកដៃឆ្ពោះទៅកាន់ទី‌សក្ការៈ របស់ព្រះ‌អង្គ សូមទ្រង់ព្រះ‌សណ្ដាប់ពាក្យទូល‌អង្វរ របស់ទូលបង្គំផង។ 3 សូមកុំឲ្យទូលបង្គំត្រូវវិនាសបាត់ទៅ ដូចមនុស្សពាល និងមនុស្សប្រព្រឹត្តអំពើទុច្ចរិត ដែលនិយាយរាក់‌ទាក់ជាមួយអ្នកដទៃ តែមានកល‌ល្បិចនៅក្នុងខ្លួននោះឡើយ។ 4 សូមដាក់ទោសអ្នកទាំងនោះ ឲ្យសមតាមអំពើដែលគេប្រព្រឹត្ត និងល្បិចកិច្ច‌កលរបស់គេ សូមដាក់ទោសគេសមនឹងស្នា‌ដៃរបស់ខ្លួន សូមឲ្យគេទទួលផលសមនឹងទោសរបស់ខ្លួន 5 ដ្បិតអ្នកទាំងនោះមិនយល់អំពីកិច្ចការ…

ព្រះ‌សូរសៀងរបស់ព្រះ‌អម្ចាស់ ទំនុក‌តម្កើងរបស់ស្ដេចដាវីឌ។ 1 ពពួកទេវតារបស់ព្រះ‌ជាម្ចាស់អើយ ចូរនាំគ្នាតម្កើងព្រះ‌អម្ចាស់ ចូរលើកតម្កើងសិរី‌រុងរឿង និងតេជា‌នុភាពរបស់ព្រះ‌អម្ចាស់។ 2 ចូរលើកតម្កើងព្រះ‌នាមដ៏រុងរឿងរបស់ព្រះ‌អម្ចាស់ ចូរនាំគ្នាក្រាបថ្វាយ‌បង្គំព្រះ‌អម្ចាស់ នៅពេលព្រះ‌អង្គសម្តែងភាពវិសុទ្ធ របស់ព្រះ‌អង្គ! ។ 3 ព្រះ‌សូរសៀងរបស់ព្រះ‌អម្ចាស់ លាន់ឮឡើងនៅពីលើផ្ទៃទឹក ព្រះ‌ជាម្ចាស់ប្រកបដោយសិរី‌រុងរឿង ធ្វើឲ្យផ្គរ‌លាន់ឮឡើង ព្រះ‌អម្ចាស់គង់នៅពីលើមហាសាគរ។ 4 ព្រះ‌សូរសៀង របស់ព្រះ‌អម្ចាស់ លាន់ឮឡើងប្រកបដោយឫទ្ធា‌នុភាព ព្រះ‌សូរសៀងរបស់ព្រះ‌អម្ចាស់ លាន់ឮឡើងប្រកបដោយភាពថ្កុំ‌ថ្កើង 5 ព្រះ‌សូរសៀងរបស់ព្រះ‌អម្ចាស់ ធ្វើឲ្យបាក់ដើមឈើដ៏ធំៗ ព្រះ‌អម្ចាស់បំបាក់ដើមឈើដ៏ធំៗនៅភ្នំលីបង់។ 6…

ព្រះ‌អង្គប្រោសទូលបង្គំឲ្យជា ទំនុក‌តម្កើង។ បទសម្រាប់ច្រៀងនៅពេលសម្ពោធព្រះ‌វិហារ។ ទំនុករបស់ស្ដេចដាវីឌ។ 1 ឱព្រះ‌អម្ចាស់អើយ! ទូលបង្គំសូមលើកតម្កើងព្រះ‌អង្គ ព្រោះព្រះ‌អង្គបានជួយស្រោចស្រង់ទូលបង្គំ ព្រះ‌អង្គពុំបានទុកឲ្យខ្មាំងសត្រូវ យករឿងទូលបង្គំទៅលេងសើចឡើយ។ 2 ឱព្រះ‌អម្ចាស់ជាព្រះនៃទូលបង្គំអើយ! ទូលបង្គំបានស្រែកអង្វរព្រះ‌អង្គ ហើយព្រះ‌អង្គប្រោសទូលបង្គំឲ្យបានជា។ 3 ឱព្រះ‌អម្ចាស់អើយ ព្រះ‌អង្គបានស្រង់ព្រលឹងទូលបង្គំ ចេញពីចំណោមមនុស្សស្លាប់ ទូលបង្គំបានធ្លាក់ទៅក្នុងរណ្ដៅមច្ចុរាជ តែព្រះ‌អង្គប្រោសទូលបង្គំឲ្យរស់ឡើងវិញ។ 4 អ្នករាល់គ្នាដែលជាប្រជា‌រាស្ត្រ របស់ព្រះ‌អង្គអើយ ចូរស្មូត្រទំនុក‌តម្កើងព្រះ‌អម្ចាស់! ចូរលើកតម្កើងព្រះ‌នាមដ៏‌វិសុទ្ធ*របស់ព្រះ‌អង្គ! 5 ដ្បិតព្រះ‌អង្គទ្រង់ព្រះ‌ពិរោធតែមួយស្របក់ តែព្រះ‌អង្គប្រណីសន្ដោសយើងអស់មួយជីវិត។ ពេលយប់ យើងបង្ហូរទឹកភ្នែក…